Mukándá mwá ɓosɛ́dí ɓwá Sáwá mú kasí ó ɗôm lá mínyá má dimɔ́di mûn mbú mwá 2024 ó eɓemá áō é lóndísɛ́ ɓélálo, doŋgámɛ́n á ɓá pɔsɔ́ɓɛ́ ɓá ɓaɓolɛ̌ maléá ɓá mbambá mwá Duálá.
Dîn ɗoŋgamɛn dí wú ndé na eɓɔ́ŋgɔm yá mukindi mwá Duálá Roger MBASSA NDINE, lá e ndé ó ɓola ɓápɔsɔ́ɓɛ́ ɓoláŋgí ɓwá njé yɛ́sɛ̄ ɓaɓɔ́ ɓadiédi ɓá ɓolínɔ̄ ó mbú mwɛ́sɛ̄ mútómbí mikíndí mí tá ó ŋgeá ábū nyá lɔndɔ, mwano ɓá wekínɔ́ na miwɛn má diɓwea.
Ndimbisedi na mwano mi kasáɓɛ na ɓokénjú na ɓaɓolɛ̌ maléá, wɛ́nī ɓɔɔ́ ɓábū ɓá nɔŋgínɔ̄ ɓedǒmsédí ó súwɛlɛ myano má eɓɔ́ŋgɔm ó ɓwǎm̀ ɓwá timbisɛlɛ mukindi mwá Duálá épétí.
Ónyólá yên eɓemá é lóndísɛ́ ɓélálo, Roger MBASSA NDINE a wɛlí ó jǐŋgɛlɛ ó nîn doŋgámɛ́n manea mâsám má ndɛ́ki á ɓosó, mbapɛ mwá tǔŋ á mpóndó míndɛ́nɛ, na ɓeɓón ɓá ɓaɓolɛ̌ maléá má etíkán á Sáwá na mpóndó, ɓɛ́sɛ̄ ɓá e ndé ɓá ɓéǹ ɓetɔ́tí ɓá mwěnyá, ɓá bóŋ á wána pɔŋgulanɛ dí ndɛ́nɛ ó mukindi mwá Duálá.
VICHAL DIKOBO S
699233518/670376078
Comments